دانلود مداحی عم اوغلی چوخ گول سارالار از ابراهیم رهبر

📄 شعر مداحی عم اوغلی چوخ گول سارالار📄
• •• •• •• •• •• •• •• •• •• •• •
عم اوغلی چوخ گول سارالار آغلاما خداحافظ
بو سن بو ائو بو بالالار آغلاما خداحافظ
بو ائوده هر درد و غمه سنده یانموسان منده
یاتانمادیم چوخ گئجه لر سنده آغلادین منده
خیال ایله بیر گولودوق سنده سولموسان منده
چمنده چوخ گول سارالار آغلاما خداحافظ
عم اوغلی یانّام بو غمه اولدی درگهون مقتل
بو نیسگلون بسدی منه فضّیه دئدیم تئز گل
منیم غمیم بسدی سنه قوی گئدیم بیر آز دینجل
بو سن بو ائو بو بالالار آغلاما خداحافظ
سنون بیله آغلاماقون قلبیمی ائله داغلور
سنه باخور گول بالالار گوز یاشون یوزه باغلور
گوزون یاشون توکمه بیله آغلاما حسین آغلور
او آغلاسا دل یارالار آغلاما خداحافظ
حسن بیلور کوچه غمون قویمادیم دیله سالسون
او کوچه ده اولدی نلر روز محشره قالسون
گرک گله مهدی بالام انتقامیمی آلسون
گله حسین قانین آلا آغلاما خداحافظ
اگر چه آز عمروم اولور نیسگلیم منیم چوخدی
ئورکده هر درد و غمیم قلبیوی دَلَن اوخدی
ئوزون منی قبره آپار قارداشیم منیم یوخدی
بو سن بو ائو بو بالالار آغلاما خداحافظ
او ناگران گوزلرووه گوزلریم فدا اولسون
من آغلورام آغلاما سن قویما گوزلرون دولسون
بالالاریم نازینی چک قویما گوللریم سولسون
تک ائوده قومیا قالالار آغلاما خداحافظ
گجیله وئر غسل منه دفن ائله گئجه یاری
مزاریمی ایتگین ائله ای بلا گرفتاری
مزاره قوی تئز گئت ایوه قویما تک بالالاری
یولووی گوزلر بالالار آغلاما خداحافظ
حسینیله زینبیمون غصه قلبینی داغلار
حسینیم اللرده ئولر زینبیم باخار آغلار
وئرنده جان گوزلرینی کیم حسینیمین باغلار
عم اوغلی چوخ گول سارالار آغلاما خداحافظ

شاعر : گلشنی – اعظمی

• •• •• •• •• •• •• •• •• •• •• •
برای حمایت از صاحب این اثر لینک این پست را در صفحات اجتماعی خود به اشتراک بگذارید.
همچنین خواهشمندیم با نظرات و پیشنهادات خود ما را یاری بفرمایید.
کلام آخر در صورت مشاهده مشکل در متن آهنگ ، پست و یا غیر مجاز بودن پست از طریق فرم تماس به ما اطلاع بدهید.